O programa "Cinema na escola" persegue converter a cada neno e nena en verdadeiro protagonista da aprendizaxe, xa que cada participante é capaz de desenvolver os seus talentos, traballar en equipo, desenvolver a súa creatividade, aprender, expresar emocións e contar historias.

Os colexios que soliciten participar recibirán un módulo de formación orientado ao profesorado que coordine a actividade, acceso a material exclusivo "videotitoriais"e acceso directo ao equipo técnico para resolver dúbidas ao longo de toda a fase creativa.

O módulo de formación constará de dúas sesións de 90 minutos en liña, onde se abordarán aspectos como: a idea, a sinpose, o guión literario, técnicas de gravación, o cásting, ensaios, rodaxe, edición e montaxe ...

Terminada a fase de formación, os equipos poderán comezar o traballo de guionización, gravación, edición e montaxe final.

As curtas deben presentarse antes do 1 de abril polas canles abertas para a ocasión, dos que se informará máis adiante.

Os premios que se concederán son os seguintes: mellor película, mellor protagonista, mellor guión, mellor fotografía, mellores efectos visuais, mellor edición de vídeo, mellor edición de audio. Tamén haberá un premio do público para o vídeo máis valorado en redes sociais.

A gala de entrega de premios celebrarase o xoves 12 de maio ás 17.30 h no Ágora.