Dado que entendemos que a estes colectivos se lles deben facilitar todos os medios posibles para que poidan acceder á comunicación, e así conseguir unha maior integración social e un avance individual para o desenvolvemento da súa personalidade, desde a Sección de Educación Viaria da Policía Local da Coruña propuxémonos o obxectivo de colaborar neste proceso de mellora da súa autonomía.

A psicopedagoga destinada nesta sección deseñou unha presentación con pictogramas e contidos adaptados, en sistemas alternativos e aumentativos de comunicación (SAACs).

Actividades

• Presentación e exposición das funcións da Policía Local, procurando a interacción do grupo nunha charla aberta onde poidan preguntar ou contar as súas vivencias.
• Visionado dos vídeos de educación viaria.
• Comentarios guiados sobre os vídeos expostos.
• Lentes de simulación de alcoholemia.