- Inicio
- Programas Educativos
- Detalle programa
De aquí coma ti - Hóckey Club Liceo
Visita aos colexios dun xogador do Hóckey Club Liceo.
Localización do centro:
Só da Coruña
Servizo municipal:
Educación
Tipo de actividade:
Complementaria
Titularidade do centro:
Público, Concertado, Privado
A quen vai dirixido?:
Alumnado de Educación Infantil e Educación Primaria dos centros da cidade.
Terán prioridade os centros públicos.
Horario:
As visitas realizaranse en horario de mañá e terán unha duración aproximada de 1 hora.
Prezo / Custo:
Gratuíto
Obxecto:
- Transmitir os valores do deporte, neste caso do hóckey sobre patíns.
- A importancia do deporte como método de vida saudable.
- A importancia dos bos hábitos e dunha boa nutrición.
- Charla sobre como un xogador ou xogadora chega a ser profesional neste deporte.
- Como compaxinar o deporte cos estudos.
- Como xogadores/as galegos/as e coruñeses/as que estudaron en colexios da cidade chegan ao primeiro equipo do HC Liceo, xogando na OK Liga e na Champions.
- Sinatura de postais.
- Invitación aos menores para asistir a un partido no Palacio Municipal de Riazor, xunto cun familiar.
Dentro do calendario indicado (ver apartado "Cando"), os centros poderán solicitar a visita dun dos xogadores profesionais do Hockey Club Liceo.
O día e a hora da actividade fixarase de acordo á planificación e dispoñibilidade dos xogadores do Liceo Hóckey Club. A visita realizarase en horario de mañá, no propio centro. A duración aproximada é de 1 hora.
A visita poderase realizar nunha clase determinada ou no salón de actos, a elección do centro.
Na visita, ademais de recibir unha charla e falar co xogador, entregaranse postais asinadas polo xogador (ata un máximo de 600 por centro).
Cando:
Dende o 13/10/2026 ata o 18/12/2026
Semanas nas que se levará a cabo o programa:
- 13 a 16 de outubro
- 2 a 6 de novembro
- 9 a 13 de novembro
- 23 a 28 de novembro
- 30 de novembro a 4 de decembro
- 14 a 18 de decembro
O día e a hora da actividade fixarase de acordo á planificación e dispoñibilidade dos xogadores do Liceo Hóckey Club.
Inscricións:
Dende o 15/09/2026 ata o 30/09/2026
Os colexios inscribiranse a través da ficha de Coruña Educa: ficha de solicitude.
No caso de que se exceda a demanda, terán preferencia os centros públicos.
Se o número de colexios públicos supera os 10, realizarase un sorteo.
Contacto:
Organiza:
Servizo Municipal de Educación, en colaboración co Hóckey Club Liceo
Síguenos en
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible