A atmosfera é imprescindible para a vida na Terra. O ser humano altéraa e modifica ata tal punto que a consecuencia é a súa contaminación, con gran repercusión nos seres vivos. O primeiro no que pensamos con contaminación "do aire" é en cambios na composición química da atmosfera debidos á existencia de gases e compostos nocivos; pero tamén o ruído é un dos axentes contaminantes máis importantes; ou a "contaminación lumínica", con gran repercusión nos ciclos da vida.

Estrutura

Cada módulo responde as necesidades do seu nivel educativo:

Módulo 1: O aire e o clima na Coruña (3º e 4º de EP)

• Charla interactiva (1 hora): Explorando o aire e o clima.
• Taller (1 hora): Construímos a nosa estación meteorolóxica.
• Saídas, conclusións e reflexión (2 horas): Visita ao Centro Municipal para o Clima e a Enerxía Sustentable "Fernando Roade" (Bens).

Módulo 2: O aire que respiramos (5º e 6º de EP)

• Charla interactiva (1 hora): O aire que respiramos.
• Taller (1 hora): Xogos cooperativos: un patio saudable.
• Saídas, conclusións e reflexión (2 horas): Visita á Estación de vixilancia da calidade do aire da Praza de Pontevedra.

Módulo 3: Medindo a calidade ambiental (3º e 4º de ESO)

• Charla interactiva (1 hora): A ciencia do aire.
• Taller (1 hora): Do dato á acción.
• Saídas, conclusións e reflexión (2 horas):Visita á Estación de vixilancia da calidade do aire da Praza de Pontevedra.