O cambio climático é un dos maiores retos globais do noso tempo e está estreitamente vinculado á forma en que producimos e consumimos enerxía. Comprender esta relación é clave para que o alumnado adquira unha visión clara de como as emisións de gases de efecto invernadoiro afectan o clima e como as decisións enerxéticas que adoptamos a nivel local e individual poden contribuír a mitigar este fenómeno.

Abordar estas cuestións no ámbito educativo permite promover actitudes responsables cara ao uso da enerxía, favorecendo o aforro, a eficiencia e o coñecemento das enerxías renovables. Ademais, conecta ao alumnado cos retos de sustentabilidade global, á vez que lles capacita para ser axentes de cambio dentro da súa contorna, tanto en casa como na escola e a comunidade.

Estrutura

Cada módulo responde as necesidades do seu nivel educativo:

Módulo 1: O que di a ciencia do cambio climático (ESO, BACH e FP)

• Charla interactiva (1 hora): Dio a ciencia.
• Taller (1 hora): Dinámica participativa: desmontando bulos.
• Saídas, conclusións e reflexión (2 horas): Centro Municipal para o Clima e a Enerxía Sustentable "Fernando Roade" e o módulo bioclimático A Vieira.

Módulo 2: Cambio climático, acción local e solucións baseadas na natureza (ESO, BACH e FP)

• Charla interactiva (1 hora): Cambio climático, acción local e solucións baseadas na natureza.
• Taller (1 hora): Xogo de simulación "No Cume do Clima".
• Saídas, conclusións e reflexión (2 horas): Centro Municipal para o Clima e a Enerxía Sustentable "Fernando Roade" e Edar de Bens .