- Inicio
- Programas Educativos
- Detalle programa
Falamos 2025-26
Falamos primaria e secundaria 2025
O programa de dinamización lingüística "Falamos" pretende promover a interacción entre a escola e a súa contorna para facer máis rendibles os recursos e os esforzos deses dous ámbitos en prol da normalización do galego.
Localización do centro:
Só da Coruña
Servizo municipal:
Normalización Lingüística
Tipo de actividade:
Complementaria
Titularidade do centro:
Público, Concertado, Privado
A quen vai dirixido?:
Alumnado de EP e ESO dos centros do Concello da Coruña
Prezo / Custo:
Gratuíto
Obxecto:
Os obxectivos máis concretos do programa "Falamos" son os seguintes:
- Promover e fomentar a utilización da lingua galega nos centros de educación primaria e secundaria da Coruña.
- Asegurar a galeguización de todos os niveis do sistema educativo, tanto no ámbito docente como no das relacións interpersoais entre os distintos membros da comunidade educativa.
- Garantir que os produtos de máxima difusión e demanda poidan chegar en galego á sociedade galega.
- Estimular nas xeracións máis novas actitudes favorables que se traduzan nun uso xeneralizado da lingua galega.
- Superar vellos prexuízos, presións globalizadoras e inercias negativas.
- Procurar espazos de uso e de lecer en lingua galega que sexan de calidade para o alumnado dos centros de ensino da nosa cidade.
O Servizo de Normalización Lingüística ten establecidas, entre as súas funcións, a de realizar diferentes programas de dinamización lingüística para avanzar na normalización social do galego. Entre estes atópase o programa "Falamos".
A actividade realizarase no auditorio do Centro Ágora para o alumnado e profesorado dos centros que a demanden, por orde de inscrición.
Falamos primaria:
- 2 actuacións musicais da Gramola Gominola, o martes 21 de outubro, unha ás 10.00 horas e outra ás 12.00 horas
- 2 actuacións musicais da Banda do Verán, o mércores 5 de novembro, unha ás 10.00 horas e outra ás 12.00 horas
Falamos secundaria:
- 2 charlas-concerto de Pauliña, o mércores 22 de outubro, unha ás 10.00 horas e outra ás 12.00 horas
- 2 charlas-concerto de Manuel Núñez Singala e MJ Pérez, o martes 4 de novembro, unha ás 10.00 horas e outra ás 12.00 horas
Máis información en https://www.coruna.gal/lingua/gl
Cando:
Dende o 21/10/2025 ata o 05/11/2025
Xa rematou
Inscricións:
Dende o 29/09/2025 ata o 10/10/2025
- Do 29 de setembro ao 3 de outubro, para os centros públicos.
- Se quedasen prazas libres, abrirase un segundo prazo, do 6 ao 10 de outubro, para os centros concertados e privados.
Confirmaráselles a inscrición aos centros por orde de solicitude, ata completar a capacidade do auditorio.
Contacto:
Organiza:
Servizo de Normalización Lingüística do Concello da Coruña
Enderezo:
Auditorio do Centro Sociocultural Ágora. Lugar Gramela 17. 15010 A Coruña
Máis información:
Síguenos en
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible