A auga é un dos principais recursos para a vida e o seu abastecemento e uso é vital para o funcionamento de calquera fogar, industria ou servizo. O circuíto xeral da auga nunha cidade desenvólvese desde a súa captación ata a súa depuración final antes de ser vertida, pasando pola súa canalización, potabilización, distribución etc.

De forma habitual os usuarios obviamos este proceso e apenas prestamos atención a todo este ciclo, excepto cando carecemos de auga. Como utilizamos este recurso? Que consecuencias producimos coas nosas actitudes?

ESTRUTURA

Cada módulo responde as necesidades do seu nivel educativo:

Módulo 1: Os agochos da auga (5º e 6º de EI)

• Charla interactiva (1 hora): Conto "Os agochos da auga".
• Taller (1 hora): Móbil dos agochos da auga.
• Saídas, conclusións e reflexión (2 horas): "Tras as pegadas da auga" (percorrido polo río Mero ou marxes do encoro de Cecebre).

Módulo 2: O río que dá vida (3º e 4º de EP)

• Charla interactiva (1 hora): O nacemento da auga: vida e recurso.
• Taller (1 hora): Xogo "Río en equilibrio".
• Saídas, conclusións e reflexión (2 horas): "Camiñando xunto á auga" (Percorrido polo río Mero).

Módulo 3: Do río á billa, o viaxe da auga que usamos (5º e 6º de EP)

• Charla interactiva (1 hora): Como chega a auga ata aquí?
• Taller (1 hora): O xogo da auga limpa.
• Saídas, conclusións e reflexión (2 horas): Potabilizadora da Telva e río Mero.

Módulo 4: Pechar o ciclo, a auga que volve á natureza (1º e 2º de ESO)

• Charla interactiva (1 hora): Uso e volta: a viaxe completa da auga.
• Taller (1 hora): Xogo "Decisións para unha auga sostible".
• Saídas, conclusións e reflexión (2 hora): Camiñando xunto á auga: percorrido polo río Mero