Actividades

O programa realízase a través de sesións e talleres (música, teatro, circo, ioga,...) impartidos por artistas en activo, de diferentes culturas, cunha elevada formación artística e experiencia pedagóxica, nos que se tenta que as persoas participantes (menores, familias e docentes) canalicen a súa creatividade, reforcen a súa autoestima e melloren as súas aprendizaxes.

Sen dúbida, un alumnado motivado é un alumnado que aprende.

Metodoloxía

O Programa recolle e aplica a Metodoloxía de intervención MUS-E, desenvolvida desde hai máis de 25 anos en Europa, onde se recolleron aqueles elementos craves na intervención para alcanzar éxito

O marco de traballo utilizado foi:

• A arte como ferramenta en educación.
• Desenvolvemento da creatividade e a imaxinación.
• A diversidade nas súas múltiples facetas (cultural, física, psíquica,) como riqueza e potencial para crecer.
• Desenvolvemento da intelixencia emocional.

Principios

• Arte como motor na construción de persoas, grupos e sociedades.
• Potenciar a comunidade educativa.
• Desenvolvemento do sentido crítico.
• Intervención grupal: romper clichés e ensinar valores.
• Compromiso: lograr que a mensaxe vaia máis aló das sesións.
• Participación: rol do alumno e docente nas actividades.
• Inclusión social: abrazar a diversidade funcional e étnica.
• Utopía como realidade xeradora do sentimento de cambio.

Condicións do programa

O proxecto leva a cabo en horario lectivo e, por tanto, trabállase con todo o grupo-aula. O proxecto inclúese na PGA do centro e debe ser previamente aprobado polo claustro escolar. A participación activa da ANPA é moi desexable xa que se traballará coas familias.