PAIXÓN LARANXA: A VOZ DO COLISEUM

O Club Básquet Coruña lanza unha nova edición desta iniciativa dirixida aos colexios da cidade co obxectivo de fomentar o baloncesto e o sentimento de pertenza ao equipo a través da creatividade e a animación deportiva. O concurso está deseñado para o alumnado de 5º e 6º de primaria, que terán a misión de inventar un cántico de animación para o equipo.

BASES DO CONCURSO

• Participantes: Alumnado de 5º e 6º de primaria dos colexios da cidade.
• Formato do cántico:
  • Debe ser orixinal e creado polo propio alumnado.
  • Pode incluír elementos de animación como bombos, tambores ou megáfono.
  • Debe ser respectuoso, sen palabras malsonantes nin mensaxes ofensivas.
  • A letra e ritmo deben ser sinxelos para que o público do Coliseum poida aprendelo facilmente.
  • Non debe superar os trinta segundos de duración.
• Formato do concurso:
  • Desenvolverase durante varios días coa participación de diferentes colexios (en función das inscricións).
  • Cada día competirán varios colexios, desprazándose ao pavillón para presenciar un adestramento do Leyma Coruña.
  • Durante a visita, cada colexio entoará o seu cántico na bancada designada, cun máximo de 30 segundos.
  • As actuacións gravaranse en vídeo e someteranse a votación nas redes sociais do club.
  • O colexio máis votado de cada grupo avanzará á seguinte fase, resultando varios finalistas.
• A gran final celebrarase nun partido oficial do Leyma Coruña no Coliseum.

SISTEMA DE VOTACIÓN PARA A GRAN FINAL

O sistema de votación combinará dous métodos para determinar o colexio gañador, asignando un 50% da puntuación total a cada un:

• Medidor de decibeis no Coliseum: Medirase o nivel de ruído xerado por cada colexio durante o seu cántico, outorgando o 50% da puntuación total ao grupo máis ruidoso.
• Enquisa en redes sociais: os vídeos da final subiranse ás redes sociais, onde o público votará polo seu favorito. Esta votación representará o outro 50% da puntuación total.

PREMIOS

O colexio gañador* recibirá:

• Unha visita especial do primeiro equipo do Leyma Coruña ao colexio.
• Pack de merchandising oficial do club.
• Recoñecemento nas redes sociais e na páxina oficial do club.

*En caso de empate os dous finalistas contarán coa visita dalgúns xogadores do equipo, repartidos entre ambos os colexios.

CRONOGRAMA

• Apertura de inscricións: 2 de febreiro.
• Peche de inscricións: 27 de febreiro.
• Fase de eliminatorias (durante os adestramentos): do 16 ao 23 de marzo.
• Publicación dos finalistas e preparación para a final: do 27 de marzo ao 9 de abril.
• Gran final no Coliseum: Leyma Coruña - Monbus Obradoiro (10 de abril).
• Enquisa final e proclamación do equipo gañador: semana do 13 de abril.
• Visita do equipo ao colexio vencedor: semana do 27 de abril.

DESCOBRE COMO FOI A PRIMEIRA EDICIÓN

Nas ligazóns seguintes poderás ver como foron as semifinais e a gran final no Coliseum, ademais da visita dos gañadores:

• Semifinais
• Finalista 1
• Finalista 2
• Visita aos gañadores