A Convención dos Dereitos do Neno (CDN), é un tratado internacional das Nacións Unidas ratificado o 20 de novembro de 1989, no que por primeira vez recoñécese que os nenos e nenas son persoas con dereito de pleno desenvolvemento físico, mental e social e con dereito a expresar libremente as súas opinións.

O artigo 12 da CDN fai referencia á necesidade de ofrecer aos nenos e nenas a oportunidade de ser escoitados en tódolos procedementos sociais que lles afecten. O artigo 13 alude ao dereito á liberdade de expresión de nenos e nenas.

No marco dos dous artigos mencionados anteriormente, o Concello da Coruña ofrece aos centros escolares da cidade a oportunidade de participar na celebración dun pleno infantil presidido pola Alcaldesa da cidade.

Esta actividade realízase en colaboración con UNICEF e ten lugar no Salón de Plenos Municipal, onde unha representación de alumnos/as do curso participante, expón as conclusións do material traballado previamente na aula.

Cada centro participante, traballa arredor dun dereito dos recolleitos na CDN co material didáctico achegado por UNICEF. É por iso que esta actividade require que o profesorado realice no centro educativo unha sesión preparatoria da actividade dunha hora e media aproximadamente.

Aquí pódese ver a celebración do Pleno Infantil de 2021 ao completo: https://www.youtube.com/watch?v=0nTKnGcwizc

Entidades colaboradoras

UNICEF