A iniciativa está enmarcada na Convención de Dereitos do neno ( CDN) e do tratado internacional de nacións unidas ratificado o 20 de novembro no que se recoñece por primeira vez que os nenos/as son persoas con dereitos de pleno desenvolvemento físico, mental e social e con dereito a expresar libremente as súas opinións.

O artigo 12 da CDN fai referencia á necesidade de ofrecer aos nenos/as a oportunidade de ser escoitados en todos os procedementos sociais que lles afecten. O artigo 13 alude ao dereito á liberdade de expresión de nenos /as.

No marco dos dous artigos mencionados anteriormente, o Concello da Coruña ofrece aos centros escolares da cidade a oportunidade de participar na celebración dun pleno infantil presidido pola Alcaldesa da cidade.

Cada centro participante traballa ao redor dun dereito dos recolleitos na CND, co material didáctico achegado por UNICEF, e require que o profesorado realice unha sesión preparatoria da actividade, de hora e media aproximadamente no centro educativo.

O evento central, o Pleno infantil, co lema "Violencia dixital", terá lugar o 27 de novembro no Salón de plenos do Concello da Coruña, estará presidido pola alcaldesa da cidade, Inés Rey e asistirá o concelleiro de Educación, Juan Ignacio Borrego.

O pleno transformarase, de maneira temporal, nun espazo de participación infantil para conmemorar o Día da Infancia.

Participarán 6 colexios da cidade (CEIP Labaca, CEIP Curros Enríquez, CPR Karbo, CPR Salesianos, CPR Dominicos e CPR Escolapios ) cun total de 141 escolares de 5º e 6º de EP e 34 nenos/as da cidade en representación dos seus compañeiros/as lerán un manifesto conxunto coas achegas de todos os colexios participantes.

Entidades colaboradoras

UNICEF