- Inicio
- Programas Educativos
- Detalle programa
Itinerarios 2026-27
A cidade como espazo de coñecemento e interpretación: o programa Itinerarios ofrece percorridos por diversas zonas da cidade para coñecer a súa historia e algúns dos seus edificios máis emblemáticos, mediante actividades de observación.
Localización do centro:
Só da Coruña
Servizo municipal:
Educación
Tipo de actividade:
Complementaria
Titularidade do centro:
Público
A quen vai dirixido?:
Alumnado desde 3º a 6º de EP, de ESO e de Bacharelato dos CEIP e IES da cidade.
Horario:
As sesións realízanse ás 10.00 h. ou 12.00 h e teñen unha duración de 90 minutos.
Prezo / Custo:
1,50 € por alumno/a en concepto de cota.
Unha vez confirmados os itinerarios e elaborado o calendario definitivo notificarase o prazo para realizar o ingreso, o custo total por aula e o modo de ingreso da cota.
Obxecto:
Os Itinerarios achegan o alumnado á historia, o patrimonio e a evolución da Coruña a través de percorridos por diferentes espazos, convertendo a contorna urbana nun recurso educativo que permite comprender como as persoas, os acontecementos históricos e as transformacións sociais contribuíron a configurar a cidade actual.
Mediante a observación directa, a análise do espazo urbano e o descubrimento guiado de lugares, personaxes e acontecementos relevantes, o alumnado terá unha visión máis ampla e crítica da súa contorna, relacionando os contidos curriculares con experiencias significativas
O programa contribúe ao desenvolvemento de competencias relacionadas coa comunicación lingüística, a competencia cidadá, a conciencia e expresión culturais, así como coa comprensión e interpretación da contorna social, histórico e patrimonial. Así mesmo, favorece a integración das aprendizaxes vinculadas ao patrimonio, a historia local, a cultura, a sostibilidade e a construción de cidadanía.
Deste xeito, a cidade convértese nun espazo de investigación, reflexión e aprendizaxe que axuda ao alumnado para comprender a complexidade do medio urbano, valorar o seu patrimonio e recoñecer o papel que as persoas desempeñan na construción e transformación dos espazos que habitan.
Condicións do programa
- Cada centro poderá solicitar un único itinerario por grupo/clase.
- Necesidade da presenza do profesor/a do grupo e do persoal de apoio no desenvolvemento do itinerario.
- O programa ten establecido un número máximo de itinerarios. No caso de que a demanda fose maior que a oferta se procederá á adxudicación por rigorosa orde de inscrición.
- Servizo de transporte:
- O transporte facilítao o Concello.
- O bus estará dispoñible media hora antes do inicio de cada itinerario. Este horario pode axustarse en función da distancia do colexio ao lugar de inicio do itinerario.
- Os autobuses teñen 55 prazas, polo que en ningún caso se pode exceder este número de participantes (incluído o profesorado acompañante).
- Os centros que necesiten transporte adaptado deben solicitalo previamente.
Itinerarios que se ofertan
3º e 4º EP
- O mozo Picasso: de casa ao colexio. Itinerario SMART
- A cidade de María Pita
5º e 6º EP
- A Coruña: praza forte do Reino de Galicia. Itinerario SMART
- Prazas con poder. Itinerario SMART
1º e 2º ESO
- Camiño Real. Itinerario SMART
- Personaxes da cidade
3º e 4º ESO e BACH
- Casas consistoriais ao longo da historia. artealdescubierto.coruna.es
- Modernismo Coruñés
Calendario
- Envío do calendario provisional: 11 de decembro (modificacións ata o 18 de decembro, inclusive).
- Envío do calendario definitivo: 11 de xaneiro.
- Inicio de actividades: febreiro.
Paradas de autobús (Educación primaria)
| Parada de autobús para inicio | Parada de autobús para recollida |
|---|---|
| Mestranza-Metrosidero (482) | Mestranza-Metrosidero (482) |
| Parada de autobús para inicio | Parada de autobús para recollida |
|---|---|
| Juana de Vega (526) | Juana de Vega (526) |
| Parada de autobús para inicio | Parada de autobús para recollida |
|---|---|
| Porta Real, Dársena (139) | Porta Real (1) |
| Parada de autobús para inicio | Parada de autobús para recollida |
|---|---|
| Parrote - H. Finisterre (140) | Castelo de San Antón |
Paradas de autobús (Educación secundaria)
| Parada de autobús para inicio | Parada de autobús para recollida |
|---|---|
| Praza de Pontevedra, 11 (197) | Praza de Pontevedra, 11 (197) |
| Parada de autobús para inicio | Parada de autobús para recollida |
|---|---|
| Porta Real, Dársena (139) | Porta Real (1) |
| Parada de autobús para inicio | Parada de autobús para recollida |
|---|---|
| Porta Real | Porta Real (1) |
Itinerarios SMART
Itinerarios SMART é unha versión dixital do percorrido que permite traballalo previamente na aula. O itinerario SMART é unha nova forma de darlle a coñecer a cidade aos escolares a través de contidos dixitais interactivos.
Unha sinxela páxina web é o punto de partida onde profesorado e alumnado preparan o seu itinerario. Desde ela poden explorar, coñecer e estudar a historia, a arte e as curiosidades dos elementos que máis tarde coñecerán in situ.
Neste vídeo práctico móstrase a funcionalidade da plataforma que acolle os Itinerarios Smart.
Cando:
Os itinerarios realizaranse a partir do mes de febreiro.
- Envío do calendario provisional: 11 de decembro (modificacións ata o 18 de decembro, inclusive).
- Envío do calendario definitivo: 11 de xaneiro.
- Inicio de actividades: febreiro.
Inscricións:
Dende o 15/09/2026 ata o 15/10/2026
Do 15 de setembro ao 15 de outubro
Contacto:
Federación de ANPA de centros públicos
Rúa Orzán, 21. 15001 A Coruña
Servizo municipal de Educación
Tel. 981 18 42 00 ext. 10127
Recursos humanos:
Persoal especialista contratado pola Federación Provincial de ANPA de centros públicos.
Síguenos en
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible