Paralelamente ao aumento do nivel de vida, á prosperidade económica e ao progresivo distanciamento do ámbito ambiental, os hábitos de consumo da maioría da poboación evolucionaron cara a ignorancia da repercusión das súas accións sobre ese ámbito. Isto desencadeou graves problemas ambientais. Un dos maiores retos actuais é atopar unha solución ao tratamento e eliminación dos residuos resultantes do principio de usar "e tirar", imperante hoxe en día.

Reducir o consumo de materias primas, reutilizar manufacturas, pechar os fluxos económicos e ecolóxicos dos recursos limitados e cubrir as necesidades da poboación de maneira sostible son a base da economía circular. No Plan de Tratamento de Residuos Urbanos da Coruña apóstase por unha separación selectiva en orixe que permite unha mellor integración dos residuos nos procesos de reciclaxe e compostaxe.

ESTRUTURA

Cada módulo responde ás necesidades do seu nivel educativo:

Módulo 1: A ra dos tres ollos (4º, 5,º e 6º de EI e 1º e 2º de EP)

• Charla interactiva (1 hora): O conto da ra dos tres ollos.
• Taller (1 hora): Taller manipulativo de separación e reutilización: A ra dos tres ollos.
• Saídas, conclusións e reflexión (2 horas): Percorrido na contorna do centro (diferentes colectores e composteros comunitarios) e xogo en exterior.

Módulo 2: Sete errrrrrres (3º e 4º de EP)

• Charla interactiva (1 hora): A vida dunha botella.
• Taller (1 hora): Xogo de clasificación e reflexión: As errrrrrres da nosa bolsa de lixo.
• Saídas, conclusións e reflexión (2 horas): Parque de Bens (antigo vertedoiro) e Punto Limpo dos Rosales e recollida e caracterización de residuos na cala de Bens.

Módulo 3: Na Coruña temos un Plan (5º e 6º de EP)

• Charla interactiva (1 hora): Na Coruña temos un Plan.
• Taller (1 hora): Xogo interactivo de preguntas e respostas.
• Saídas, conclusións e reflexión (2 horas): Visita ao Parque de Bens (antigo vertedoiro) e Punto Limpo dos Rosales ou recollida e caracterización de residuos na cala de Bens.

Módulo 4: Do lineal ao circular (ESO, BACH e FP)

• Charla interactiva (1 hora): Do lineal ao circular.
• Taller (1 hora): Dinámica de análise e reflexión: Hackea un produto.
• Saídas, conclusións e reflexión (2 horas): Visita ao Parque de Bens (antigo vertedoiro) ou recollida e caracterización de residuos na cala de Bens.

Módulo 5: A compostaxe comunitaria nos barrios (EE, EP, ESO, BACH e FP)

• Charla interactiva (1 hora): De volta á terra.
• Taller (1 hora): Composteiros comunitarios nos barrios.
• Saídas, conclusións e reflexión (2 horas): Visita ao composteiro comunitario.