- Inicio
- Programas Educativos
- Detalle programa
Os animais na cidade 2026-27
Programa de educación ambiental dirixido a coñecer os distintos tipos de animais da nosa cidade e fomentar unha tenza responsable dos animais domésticos.
Localización do centro:
Só da Coruña
Servizo municipal:
Medio Ambiente
Tipo de actividade:
Complementaria
Titularidade do centro:
Público, Concertado, Privado
A quen vai dirixido?:
Alumnado de ESO, BACH e FP dos centros da cidade.
Prezo / Custo:
As actividades do programa son gratuítas.
* No caso das saídas que requiran desprazamento en autobús, a contratación e o custo do servizo correrán a cargo do centro.
Obxecto:
- Coñecer os deberes, compromisos e satisfaccións da tenza responsable de especies de compañía.
- Analizar problemas que os animais de compañía poden causar na convivencia cidadá e a forma de prevelos.
- Informar da existencia e do funcionamento do Servizo Municipal de Recollida e Adopción de Animais.
- Identificar a variedade de especies animais de compañía dispoñibles no mercado e as súas implicacións na conservación da biodiversidade.
- Valorar os outros habitantes silvestres da nosa cidade e as implicacións na biodiversidade e a xestión municipal.
A presenza de animais acompañando as nosas vidas nas cidades é cada vez máis frecuente. Por mor diso, nos últimos anos apareceron diversas normativas que tentan xestionar a súa tenza, intentando adiantarse ou reconducir problemas que enturban a relación entre seres humanos e animais. Fomentar un coidado responsable e ético; evitar a introdución de especies exóticas ou o comercio de especies vulnerables son tópicos de interese neste ámbito. Xunto a esta veciñanza de carácter doméstico hai outra máis natural que é a miúdo branco de críticas polas molestias que xeran: as especies silvestres que comparten connosco a cidade. Ratas, estorniños, pombas ou gaivotas son as máis coñecidas.
ESTRUTURA
Cada módulo responde ás necesidades do seu nivel educativo:
Módulo 1: A tenza responsable de animais de compañía (ESO, BACH e FP)
- Charla interactiva (1 hora): a tenza responsable de animais de compañía
- Taller (1 hora): Plan de acción local: campaña de convivencia
- Saídas, conclusións e reflexión (2 horas): visita ao CMAC (Centro Municipal de Animais de Compañía)
Cando:
Dende o 02/10/2026 ata o 21/06/2027
Inscricións:
Dende o 15/09/2026 ata o 15/10/2026
Co fin de favorecer a participación do maior número posible de grupos, se as solicitudes superan a dispoñibilidade do programa, a asignación de actividades terá en conta o número de actividades solicitadas por cada grupo.
Contacto:
Servizo Municipal de Medio Ambiente
Tel.: 981 184 315
Puertas Afuera Comunicación Medioambiental y Cultural, S.L.
Tel.: 981 903 834
Máis información:
Os programas e as actividades asociadas poderían sufrir modificacións para o curso 2026/2027.
Síguenos en
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible