Esta actividade lúdica e formativa leva aos nenos e nenas a percorrer a historia da música militar ao mesmo tempo que aprenden a diferenciar instrumentos, a recoñecer os ritmos, as melodías e os tempos, a identificar diferentes xéneros, a descubrir os diferentes usos que se lle dá á música no contexto militar e, mesmo, un pouco da súa historia, como o seu paso ás verbenas populares.

O profesorado e alumnado dispoñerá dunha guía didáctica para ampliar os contidos e traballalos na aula.

Condicións do programa

• O número de alumnos/as que poden participar no programa é de 100 alumnos/as por sesión (un total de 1.200 escolares entre as 12 sesións que levarán a cabo).
• O transporte ata o Cuartel de Atocha estará dispoñible para os centros públicos situados a unha distancia que non permita o desprazamento a pé en condicións adecuadas, agás que se dean situacións que xustifiquen o seu uso. Nos casos restantes correrá a cargo do centro educativo.
• Na inscrición dos grupos seleccionaranse dúas sesións preferentes (o mesmo día ou en datas distintas), pero só adxudicarase unha delas.

Adxudicación

Unha vez pechado o prazo de inscrición organizaranse os grupos nas distintas sesións. A distribución comunicarase aos centros e a información será publicada na web.