- Inicio
- Programas Educativos
- Detalle programa
Taller: xogos e historias para crecer en igualdade 2026-27
Este taller aborda diferentes contidos relacionados coa igualdade e co respecto da diversidade, aproveitando o valor simbólico do xogo, a narración e a ilustración de historias e reforzando nos e nas menores, de maneira transversal, capacidades como o autoconcepto, o autocontrol e as relacións entre iguais.
Localización do centro:
Só da Coruña
Servizo municipal:
Igualdade
Tipo de actividade:
Complementaria
A quen vai dirixido?:
Alumnado de 5º e 6º de Educación Infantil e de 1º e 2º de Educación Primaria.
Horario:
En horario lectivo dos centros educativos.
Obxecto:
- Desenvolver actividades de xogo simbólico e representación de roles a través das cales abordar a construción de relacións de igualdade e respecto da diversidade.
- Visibilizar figuras cuxo papel contribúa a crear referentes e promover a Igualdade e a Diversidade.
- Sensibilizar sobre a importancia do respecto interpersoal independentemente do sexo, raza, etnia, cultura, diversidade funcional ou identidade sexual.
- Fomentar actitudes integradoras de cooperación e respecto entre o alumnado, traballando os sentimentos, a expresión de emocións e o autocontrol.
- Empregar recursos didácticos como a literatura infantil coeducativa para abordar a construción de valores de igualdade e na diversidade.
Condicións do programa/taller
Temáticas e formatos ou técnicas de traballo
1. Relación de temáticas que poden abordarse no taller*:
- Roles, profesións e actividades sen estereotipos de xénero.
- Xogos, xoguetes e disfraces, pacíficos e cooperativos. Publicidade non sexista.
- Infancia diversa: diversidade sexual, funcional, cultural, étnica, racial, por aspecto físico. Respecto e valoración da diferenza.
- Expresión de afecto e emocións. Relación consigo mesma/ou e co grupo de iguais.
*As temáticas propostas poderán variar ao longo da duración do contrato para adaptarse ás novas realidades e necesidades detectadas polos centros educativos.
2. Relación de formatos para o desenvolvemento do taller*:
- Xogos e xoguetes
- Contos
- Debuxo/Ilustración
*Todos os formatos abordaranse con perspectiva de xénero.
Duración
Cada taller terá unha duración máxima de 2 horas, recomendándose a distribución das mesmas en varias xornadas consecutivas no tempo, axustándose en calquera caso á dispoñibilidade do centro educativo.
Metodoloxía
Participativa (individual e a través de dinámicas grupais) e lúdica.
Os contidos e materiais didácticos empregados estarán axustados ao nivel educativo e curso do alumnado participante.
As actividades realizadas para o desenvolvemento do taller respectarán o formato ou técnica seleccionada polo centro educativo. Estes formatos implican a realización de actividades novas, evitando aquelas de uso cotián na aula, por exemplo colorear ou encher fichas didácticas.
O desenvolvemento do taller abordará de maneira transversal o fomento de habilidades de comunicación e empatía entre o grupo de iguais.
Procedemento de actuación polo centro educativo
- O centro educativo seleccionará a temática que considere máis idónea conforme á súa realidade. Igualmente, escollerá o formato ou técnica coa que desenvolver os contidos que aborda a temática elixida.
- Cada centro poderá seleccionar un máximo de dous talleres, seleccionando o centro educativo o nivel educativo e curso que considere máis adecuado dos que se relacionan no apartado de "A quen vai dirixido?".
Cando:
Datas de celebración pendentes de determinar.
Inscricións:
Datas de inscrición pendentes de determinar.
Contacto:
Centro de Información ás Mulleres (CIM Coruña)
E-mail: cim@coruna.gal
Tel.: 981 184 200 ext. 67905 - 67906
Síguenos en
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible