CONDICIÓNS DE INSCRICIÓN

• O 16 de setembro abrirase o prazo para que se poidan inscribir na oferta de outono 2025. Posteriormente serán informados do prazo de inscrición para a tempada de primavera 2026.

• Agradecemos que cada grupo se inscriba nunha única obra de teatro durante o curso para que todos os centros teñan opción a inscribirse nalgunha das funcións.

• Prezo da entrada: 2,00 € por alumna/ou para o alumnado de todos os niveis; e gratuíta para o profesorado acompañante.

• Cada grupo deberá estar acompañado, polo menos, por unha persoa responsable do centro.

• A programación de educación infantil está pensada para escolares a partir dos 5 anos.

• A capacidade máxima será de 300 espectadores/as (incluído o profesorado); ou o que estipule a lexislación sanitaria vixente en cada momento.

En función das características do espectáculo e do nivel dos/as escolares, pódese producir unha redución da capacidade da sala.

ADXUDICACIÓN:

• As prazas adxudicaranse automaticamente por rigorosa orde de petición.
• Se houbese máis demanda de prazas que oferta, abriríase unha lista de espera para cada función, co obxecto de cubrir posibles baixas de grupos ou centros.
• IMPORTANTE: a aplicación informática de inscrición emite un informe da súa inscrición. Comprobe se ten as prazas adxudicadas ou se se atopan en lista de espera.

RETIRADA E ABOAMENTO DAS ENTRADAS

1. As entradas deben ser retiradas e aboadas no prazo que consta no calendario que aparece a continuación.

2. No caso de que non se faga o pagamento no prazo estipulado, adxudicaránselle as entradas a outro centro escolar que estea na listaxe de espera.

3. As entradas recolleranse no Fórum Metropolitano, con cita previa (chamando ao teléfono 981 184 297).

O pago poderase realizar en efectivo ou con tarxeta.

4. No momento de aboar as entradas, poderase reducir o número de reservas ou aumentalas, se quedan prazas vacantes.

5. Permitiranse un máximo dun 10% de devolucións (sobre a reserva feita polo centro nun primeiro momento), coa condición de que non excedan de 10 entradas por función e centro. O importe será devolto ao termo da función, no Fórum. No caso de que fosen aboadas con tarxeta de crédito haberá que presentala.

6. A factura seralle enviada ao centro escolar unha vez realizada a función.

PAUTAS QUE HAI QUE SEGUIR NO FÓRUM PARA QUE O ESPECTÁCULO SEXA UN ÉXITO

1) Vimos todos/as a divertirnos e a gozar do teatro, sen esquecer respectar sempre o traballo das persoas que están no escenario e na sala.

Debemos seguir as instrucións do persoal de sala en todo momento e actuar con responsabilidade.

2) A hora destacada na entrada é a hora de inicio da función polo que os grupos deberían estar en Fórum polo menos 10 ou 15 minutos antes do inicio da dita función.

3) Agradécese puntualidade.

4) Agradécese que a entrada e saída do edificio se fagan en orde e no maior silencio posible, para lles evitar molestias ás persoas usuarias e traballadoras do Fórum.

5) Todas as persoas que asistan ao espectáculo accederán ao auditorio portando cada unha a súa entrada.

6) Unha vez que comece o espectáculo, non se permitirá o acceso ao auditorio.

7) Por seguridade, hai que deixar libres os corredores e as portas de emerxencia do auditorio.

8) Non está permitido sacar fotos nin gravar durante a función. Se queren unha foto de grupo, poderán sacala ao termo da función, despois do previo aviso á xefa de sala.

9) Non está permitido comer nin beber no auditorio.

PROGRAMACIÓN

Lugar: todos os espectáculos serán no Fórum Metropolitano.

TEATRO PARA EDUCACIÓN INFANTIL (5 anos) E EDUCACIÓN PRIMARIA

Espectáculo	Compañía	Nivel educativo	Datas	Horario	Duración	Data tope de aboamento	Capacidade
Gabinete Mirabilia	Pablo Sánchez (Galicia)	EI (5 anos) - 1º ciclo EP	3 de outubro de 2025	10.00 e 12.00 h	50 min	29 de setembro de  2025	100 EI 150 EP
A nena que vivía nunha caixa de mistos	Caramuxo Teatro (Galicia)	EI (5 anos) - 1º ciclo EP	14 de novembro de 2025	10.00 e 12.00 h	45 min	10 de novembro de 2025	100 EI 150 EP
Trogloditas	Tanxarina (Galicia)	2º e 3º ciclo EP	21 de novembro de  2025	10.00 e 12.00 h	50 min	17 de novembro de  2025	250
Historia dunha nena namorada do mar	O Sol de Outono (Galicia)	2º e 3º ciclo EP	5 de decembro de  2025	10.00 e 12.00 h	45 min	1 de decembro de 2025	290
Frida	A Cova das Letras (Galicia)	EI (5 anos) - 1º ciclo EP	12 de decembro de  2025	10.00 e 12.00 h	50 min	9 de decembro de  2025	100 EI 150 EP

TEATRO PARA EDUCACIÓN SECUNDARIA - BACHARELATO

Espectáculo	Compañía	Nivel educativo	Datas	Horario	Duración	Data tope de aboamento	Capacidade
Las preciosas ridículas	Arroz con Costra Producciones (Alacante)	ESO - Bach	24 de outubro de 2025	11.30 h	70 min	20 de outubro de 2025	290
O escaparate	Salidas de emergencia (Galicia)	ESO - Bach	28 de novembro de 2025	11.30 h	75 min	24 de novembro de 2025	290