O programa "Visita o teu mercado" ofrécelle ao alumnado desde 6º de Educación Infantil ata 4º curso de Educación Primaria a oportunidade de coñecer de primeira man os mercados municipais da Coruña a través dunha experiencia práctica, dinámica e participativa.

Ao longo da actividade, o alumnado descobre o funcionamento dos mercados e o seu papel como espazos de consumo responsable e de proximidade, á vez que adquire hábitos de alimentación saudables vinculados á súa vida cotiá.

A actividade desenvólvese nos mercados municipais da cidade (praza de Lugo, San Agustín, Elviña, Monte Alto e Durmideiras) e ten unha duración aproximada de 2 horas (máis o desprazamento).

En que consiste a actividade?

A sesión estrutúrase en tres partes:

1. Visita guiada polo mercado

O alumnado percorre os distintos postos (froitaría, peixaría, carnizaría, panadaría...) participando en xogos e dinámicas adaptadas á súa idade.

Durante a visita, aprenderán a:

• Identificar produtos frescos e de tempada
• Comprender como funciona un mercado municipal
• Valorar a importancia do comercio local e de proximidade
• Reflexionar sobre como realizar unha compra responsable

2. Obradoiro práctico

Tras a visita, realízase un taller dinámico e participativo.

Trabállanse aspectos como:

• Alimentación equilibrada
• Hábitos de vida saudables
• Consumo responsable

A aprendizaxe baséase en actividades lúdicas e manipulativas, adaptadas ao nivel educativo.

3. Degustación saudable

A actividade finaliza cunha pequena degustación de produtos do mercado:

• Aperitivo salgado (p. ex., peixe, carne ou ovo)
• Froita ou aperitivo vexetal
• Batido natural

Téñense en conta posibles alerxias e intolerancias para garantir a participación de todo o alumnado.

Actividades complementarias á Visita (participación voluntaria)

O programa complétase cunha actividade complementaria baseada no Pasaporte do Mercado, na que os centros educativos poderán participar activamente desde a aula.

Cada alumno/a de os colexios partipantes nestas actividades complementarias recibirá un pasaporte que irá completando ao longo do curso mediante pequenas compras nos mercados municipais xunto á súa familia.

O funcionamento é sinxelo: o alumnado presenta en clase o tícket de compra e o profesorado verifica a adquisición, entregando un selo que se engadirá ao pasaporte. Deste xeito, o centro educativo actúa como eixe de seguimento da actividade, facilitando a participación e reforzando os contidos traballados.

Trátase dunha proposta fácil de integrar na dinámica da aula, que permite traballar de forma práctica aspectos como o consumo responsable, a importancia dos tickets de compra ou o valor do comercio de proximidade. Os centros interesados recibirán toda a información necesaria e contarán con orientación e acompañamento en todo momento para o seu correcto desenvolvemento.

Participa co teu centro nesta iniciativa e motiva ao teu alumnado para completar o seu Pasaporte do Mercado: os nenos e nenas que o entreguen completo participarán nun sorteo na súa aula, no que unha persoa gañadora por grupo recibirá un lote de produtos dos mercados municipais. Ademais, o centro educativo con maior número de pasaportes completos será recoñecido como o centro máis colaborador e recibirá un premio especial.

Animamos os centros educativos a participar nesta iniciativa, que permite reforzar os contidos traballados na actividade e fomentar a implicación do alumnado e as súas familias dunha forma lúdica e motivadora.

Participación no programa

• As prazas adxudícanse por orde de solicitude
• A participación é voluntaria
• O centro debe acompañar ao alumnado durante a actividade
• É necesario comunicar previamente alerxias ou necesidades específicas

Mercados participantes

As actividades realízanse nos mercados municipais de:

• San Agustín
• Praza de Lugo
• Monte Alto
• Durmideiras
• Elviña

Asignarase mercado en función de dispoñibilidade, podendo o centro indicar preferencia.

‍️ Transporte

O desprazamento ao mercado realizarase preferentemente a pé, sempre que o centro educativo atópese a unha distancia que permita un traxecto seguro e adecuado para o alumnado (aproximadamente ata 15 minutos), para fomentar hábitos de vida saudable.

Non obstante os centros educativos poderán solicitar servizo de autobús, aínda que a súa concesión estará suxeita a autorización municipal e realizarase unicamente nos seguintes casos:

• Centros situados a unha distancia que non permita o desprazamento a pé en condicións adecuadas
• Existencia de alumnado con necesidades específicas que dificulten o traslado
• Condicións meteorolóxicas adversas
• Outras circunstancias que poidan afectarlle á seguridade do traxecto

Nestes supostos, o transporte será organizado polo propio programa e sen custo para o centro educativo