O programa de visitas escolares aglutina un amplo número de entidades da cidade e da súa contorna que ofertan a visita das súas instalacións polos centros educativos.

Cada entidade indica as condicións das visitas no que se refire aos espazos para visitar, as persoas destinatarias, a xestión dos grupos, e os horarios.

Condicións do programa

• Os centros non teñen que aboar entradas para acceder ás visitas.
• Os centros poderán solicitar todas as visitas que sexan do seu interese.
• Os centros ordenarán as solicitudes por orde de preferencia.
• O número de visitas adxudicadas estará condicionado ás prazas existentes, tendo preferencia na adxudicación os centros públicos.
• No caso de que a demanda sexa superior á oferta poderanse adxudicar as prazas por sorteo.
• O programa contará con dúas fases de solicitude: do 15 ao 30 de setembro (para visitas durante o primeiro trimestre) e do 2 ao 13 de novembro (para visitas durante o resto do curso).
• O Servizo Municipal de Educación financiará, desde decembro, un máximo de 5 viaxes no curso a cada centro de ensino público (un das viaxes poderá ser ao exterior do termo municipal).
• Os centros deben incluír nas súas solicitudes para cales das visitas solicitan autobús. No resto de visitas os centros acudirán polos seus propios medios.

O Servizo Municipal de Educación asigna as visitas (ver "Proceso de asignación das visitas") baseándose nas condicións que indica a empresa e tendo en conta, sempre que sexa posible, as preferencias dos centros.

Proceso de asignación das visitas

O prazo de solicitude das visitas terá dúas fases:

• Do 16 ao 30 de setembro, para o primeiro trimestre do curso.
• Do 2 ao 13 de novembro, para o resto do curso.

Os centros tramitarán as solicitudes a través da ficha de inscrición.

Adxudicación provisional: o SME publicará na web municipal, o día 20 de outubro, as datas asignadas na primeira fase e o 4 de decembro as da segunda.

Abrirase un prazo de renuncia ás visitas de 5 días a partir da súa publicación na web. Tras este período as listasxes pasarán a definitivas. Se isto xerase datas vacantes chamarase á listaxe de agarda.

Adxudicación definitiva: o 10 de novembro para o primeiro trimestre e o 15 de decembro para o segundo e terceiro trimestre do curso.

Cadro resumo

	Primeiro trimestre	Segundo e terceiro trimestre
Solicitude	15 ao 30 de setembro	2 ao 13 de novembro
Adxudicación provisional*	20 de outubro	4 de decembro
Adxudicación definitiva	10 de novembro	15 de decembro

* prazo de renuncia: 5 días hábiles.

Nota: o programa ten establecido un número máximo de visitas e itinerarios. No caso de que a demanda fose maior que a oferta, a adxudicación realizaríase por sorteo. O SME asignará, na medida do posible, novas datas para as solicitudes que tivesen problemas coa data de adxudicación provisional. Unha vez confirmadas as datas coa entidade e o centro, estas pasarán a ser definitivas.

Servizo de transporte

• O SME só lle facilita o transporte ás Escolas Infantís Municipais, os CEIP e os IES da cidade para as visitas seleccionadas (ata un máximo 5 saídas por centro, puidendo ser 1 delas ao exterior do termo municipal).
• O bus estará dispoñible media hora antes do inicio de cada visita. Este horario pode axustarse en función da distancia do centro ao lugar de inicio da visita.
• Os autobuses teñen 54 prazas, polo que en ningún caso é posible exceder este número de participantes (incluído o profesorado acompañante). En caso de levar cadeiras de rodas, o total de prazas verase reducido.
• Os centros que necesiten transporte adaptado deben solicitalo previamente. Para iso hai habilitado na aplicación un apartado específico.
• O SME, para o mellor aproveitamento do transporte, pode acordar que dous centros compartan as prazas do autobús. Isto non afecta o cómputo global anual dos buses solicitados polos centros.

Visitas e percorridos que se ofertan

A relación de visitas que se ofertan no programa son as que se enumeran a continuación.

A descrición das características de cada unha delas están recollidas no seguinte arquivo: Coruña de Aventura 2026/27 - Relación de visitas escolares

1. Alimentes, visita o teu Gadis
2. Aluman: Fachadas e proxectos contract. Talleres de carpintaría metálica e madeira.
3. Arquivo do Reino de Galicia
4. Biblioteca pública Miguel González Garcés
5. Bombeiros
6. Castro de Elviña: percorrendo o Castro
7. Cidade Vella
8. Coca-Cola
9. Coñece o bus urbano da túa cidade
10. Cruz Vermella mocidade
11. Fabricación de Eléctrodos de Grafito: Resonac
12. Fundación Luís Seoane
13. Instalacións de "La voz de Galicia"
14. Museo Arqueolóxico e Histórico Castelo de San Antón
15. Museo de Arte Sacra
16. Museo de Belas Artes
17. Torre de Hércules
18. Museo das Telecomunicacións
19. Museo Histórico e Militar da Coruña
20. Policía Nacional. Corpo Nacional de policía e Museo
21. Porto da Coruña
22. Un día en capitanía

Nota: as condicións de cada visita, establecidas polas entidades colaboradoras, poden sufrir modificacións ao longo do curso.