A Escola Infantil Municipal de Monte Alto recibiu este martes, 3 de marzo, o premio "Concepción Arenal" da Deputación da Coruña. A entidade provincial premiou, na modalidade de Educación Infantil, o seu proxecto en "As maletas viaxeiras pola igualdade de xénero".

"O premio supón unha iniciativa para desenvolver desde os centros de ensino proxectos que contribúan á igualdade nun ámbito de vital importancia para construír un futuro sen discriminación", destacou durante a entrega a deputada de Igualdade, María Muíño.

As maletas viaxeiras

Maletas viaxeiras pola igualdade de xénero é unha experiencia que se leva realizando desde hai tres anos na EIM Monte Alto. Con este proxecto, desde a escola preténdese reflexionar sobras as actuacións, linguaxes e emocións que as persoas adultas acompañantes das nenas e nenos, tanto na casa como na escola, transmiten en relación á igualdade de xénero.