O Club Básquet Coruña pon en marcha unha iniciativa dirixida aos colexios da cidade co obxectivo de fomentar o baloncesto e o sentimento de pertenza ao equipo a través da creatividade e a animación deportiva.

" Paixón laranxa: a voz do Coliseum " é un programa dirixido ao alumnado de 5.º e 6.º de primaria dos centros educativos da Coruña. O obxectivo é impulsar a creatividade e o traballo en equipo entre as e os escolares, así como potenciar o vínculo entre o Club Básquet Coruña e a comunidade educativa, mediante a creación dun cántico orixinal para animar o equipo.

O colexio gañador recibirá unha visita especial do primeiro equipo do Leyma Coruña ao colexio, produtos oficiais do club (camisetas, bufandas, pósters etc.) e recoñecemento nas redes sociais e na páxina oficial do club.

A ficha de inscrición permanecerá aberta desde o 22 de abril ata o 30 de abril ás 10.00 horas.

Máis información na páxina do programa: Paixón laranxa: a voz do Coliseum