No arranque destas actividades, o alumnado do centro educativo puido investigar sobre a súa contorna máis próxima descubrindo que o río Monelos para aos seus pés. Tamén levaron cestas na cabeza como facían antigamente polo "Camiño do Corgo primitivo", conservado no parque de Oza. Ademais, atoparon o único punto do parque desde o que se divisa a Torre de Hércules.

Unha chea de novas experiencias!

Espías no tempo

Este programa busca dar a coñecer o patrimonio da cidade e desenvolver un sentimento de pertenza local entre o alumnado dos centros educativos. Ao mesmo tempo, pretende fomentar o papel educativo da cidade como un espazo xerador de experiencias e de memoria compartida.