Nove escolares participaron o pasado 28 de novembro no XI Foro de Participación Infantil Parlamento de Galicia - UNICEF que tivo lugar no Parlamento de Galicia e que se retransmitiu en directo pola web oficial da entidade galega.

Ademais do presidente do Parlamento, Miguel Ángel Santalices, que presidiu o acto, participaron representantes dos distintos grupos parlamentarios convidados pola Comisión de Seguimento do Pacto Galego pola Infancia. Por parte de Unicef Comité Galicia, participou a súa presidenta Myriam Garabito.

A sesión serviu para conmemorar o Día Mundial da Infancia, que foi o 20 de novembro.