O Concello da coruña publicou, o día 18 de febreiro de 2025, as listaxes provisionais de solicitudes admitidas, solicitudes en situación de espera e solicitudes excluídas correspondentes ao programa Bolsas Norteamérica 2025-2026.

Iníciase así un prazo de 10 días hábiles (do 19 de febreiro ao 5 de marzo, ambos os incluídos), para a presentación de posibles alegacións ás listaxes. As posibles alegacións deberán presentarse en todo caso nos rexistros municipais, no rexistro electrónico (a través da sede electrónica do Concello da Coruña: https://sede.coruna.gal/sede/gl/tramites-e-servizos-electronicos/rexistro-electronico), ou en calquera dos lugares establecidos no artigo 16.4 da Lei 39/2015, do 1 de outubro, de Procedemento Administrativo Común das Administracións Públicas (LPACAP).