A Coruña será un dos mellores lugares de Europa para poder disfrutar da eclipse total de sol prevista para o 12 de agosto de 2026, e na  Biblioteca Durán Loriga  aproximamos o mundo do firmamento e as constelacións aos máis pequenos e pequenas da casa da man da Agrupación Astronómica Coruñesa Ío co contaconto "Firmamento animado", título desenvolvido como material didáctico para Infantil e Primaria dende a  Facultade de Ciencias da Educación da Universidade de Santiago de Compostela.

Posteriormente eleboraranse uns "visores" cos que xogar a ver os diferentes puntos que representan as constelacións, para poder identificalas.

A inscrición é para nenos e nenas de entre 3-7 anos pero deben estar acompañados dunha persoa adulta.

_____________________________________________

Segue a información na web das Biblioteas muncipais porque temos máis actividades e exposicións divulgativas durante os meses que preceden á eclipse.

Tamén podedes botarlle un ollo á selección de libros que teremos expostos durante este tempo ou consultar a guía no Calameo das bibliotecas.