11 de maio de 2023
O sábado 13 de maio a partir das 10.00 h na Domus
O sábado 13 de maio, entre as 10.00 e as 13.30 h vén coñecer os proxectos que participan na II edición do concurso IMAXINA. O xurado visitará os proxectos para a súa valoración durante ese mesmo día e farase a entrega de premios ás 13.30 h. Ás 17.00 h podes ver o espectáculo científico a cargo de David Ballesteros.
Programa ao que pertence
O Servizo de Educación, en colaboración co Servizo de Cultura, organiza a II edición do programa IMAXINA, para o curso escolar 2022-2023.
O programa Imaxina nace como unha iniciativa municipal de carácter innovador que pretende difundir a cultura científica e tecnolóxica entre o alumnado de secundaria.
A organización propoñerá un tema que servirá de marco para que o alumnado participante desenvolva un proxecto orixinal empregando ferramentas científicas, tecnolóxicas e matemáticas (STEM) que teña como finalidade contribuír á resolución dun problema real da sociedade. O proxecto finalizará coa presentación pública dos experimentos ou materiais creados que cheguen a ser finalistas.
Máis informaciónEventos relacionados
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible