O programa Rutas urbanas animadas 2024-25 , organizado polo Servizo Municipal de Educación e a Federación das ANPA de centros públicos, segue dando a coñecer a historia detrás dalgúns espazos emblemáticos da cidade a alumnos e alumnas de educación infantil e educación primaria.

A semana do 31 de marzo ao 4 de abril foi a quenda para un total de 585 participantes de 16 centros da cidade, distribuídos en 31 grupos de escolares de 4.º de E.I, e 1.º e 2.º de E.P.

As rutas urbanas animadas discorreron, na súa maioría, polo parque de Santa Margarida, aínda que tamén houbo grupos que acudiron á praza de María Pita ou á zona dos xardíns de Méndez Núñez.

A relación de centros que participaron é a seguinte: Alborada, Aneja, Cidade Vella, Eusebio da Guarda, Juan Fernández Latorre, Labaca, María Barbeito, María Pita, Novo Mesoiro, Ramón de la Sagra, Raquel Camacho, Sal Lence, Salgado Torres, San Francisco Xabier , Víctor López Seoane e Wenceslao Fernández Flórez.

O programa desenvólvese ata finais de maio. Pódense consultar as próximas rutas programas desde a seguinte ligazón: calendario de próximas rutas programadas.