O programa Itinerarios 2024-25 , que busca dar a coñecer a historia da Coruña e dos seus edificios emblemáticos ao alumnado dos CEIP e IES da cidade, continúa o seu curso.

Os días 25, 28 e 30 de abril foi a quenda para os alumnos e alumnas do CEIP Anxo da Garda (4.º de E.P.), CEIP Wenceslao Fernández Flórez (3.º de E.P.), CEIP Zalaeta (5.º e 6.º de E.P.) e CEIP Torre de Hércules (3.º de E.P.), que puideron gozar dos itinerarios "Cidade vella e batalla de Elviña", "Prazas con poder" e "A cidade de María Pita".

A edición deste ano desenvolverase ata o próximo 3 de xuño e contará coa participación dun total de 1.754 alumnos e alumnas de 18 centros, distribuídos á súa vez en 83 grupos.

Pódense consultar os próximos itinerarios programados desde a seguinte ligazón: calendario de itinerarios programados.