Nenas e nenos de 14 colexios coruñeses foron os grandes protagonistas da nova edición do concurso escolar «Ahora vamos andando al cole», unha iniciativa impulsada pola asociación STOP Accidentes co apoio do Concello, e que busca implicar o alumnado dos centros educativos da cidade na promoción de medidas orientadas á seguridade viaria e a mobilidade sostible na paisaxe urbana.

Esta tarde, no Salón de Sesións do Palacio Municipal de María Pita, entregáronse os premios correspondentes ao certame deste ano, acto ao que asistiron as 36 nenas e nenos finalistas, pertencentes aos CEIP Concepción Arenal, Manuel Murguía, Sagrada Familia, San Pedro de Visma, José Cornide Saavedra, Anxo da Garda, Escravas do Sagrado Corazón, Prácticas, María Barbeito e Cerviño, Juan Fernández Latorre, Fogar de Santa Margarida, Sal Lence, Santo Domingo e Liceo La Paz.

A alcaldesa, Inés Rey, presidiu este acto cheo de simbolismo, «que amosa o compromiso das novas xeracións de coruñesas e coruñeses para facer da Coruña unha cidade mellor, poñendo ás persoas no centro de todo e marcando a folla de ruta que todas e todos desexamos seguir de cara ao futuro: a dunha cidade máis accesible, segura e sostible».

A rexedora lembrou que as aportacións das nenas e nenos, que en moitos casos tamén son expostas a través do Consello Local da Infancia (CLIAC) «son fundamentais porque o seu sentir e visión do mundo pode ser moi útil para cambiar a percepción das persoas adultas e axudarnos a transformar a mellor os lugares onde vivimos».

Cartas e debuxos para imaxinar a Coruña do futuro

Como cada ano, a rapazada que tomou parte no concurso fíxoo achegando unha carta ou un debuxo no que representa os seus desexos e achegas para a Coruña que virá. En total, houbo 16 nenas e nenos gañadores, que verán plasmado o seu enxeño nun calendario.

Ademais, cada nena e neno gañador do concurso recibiu como agasallo unha mochila reflectante cun casco e un certificado do premio. Tamén se sortearon dúas bicicletas entre gañadores e finalistas.

Na entrega de premios, como xa é habitual cada ano, participaron concelleiras e concelleiros do Executivo municipal, representado tamén por Noemí Díaz, Juan Ignacio Borrego e Montse Paz. «Todas e todos eles están á fronte de áreas e servizos implicados en mellorar a seguridade viaria e reforzala preto dos centros educativos, traballando conxuntamente para crear percorridos escolares máis seguros», incidiu Rey, que tamén puxo en valor a implicación da Policía Local e a DGT neste sentido, representadas hoxe por José Manuel Rico -intendente da Local e xefe da Unidade de Tráfico da Coruña- e por María Victoria Gómez Dobarro -xefa provincial de Tráfico na Coruña-.

Ademais, tamén tomaron parte no acto a fundadora e delegada de STOP Accidentes Galicia, Jeanne Picard; a coordinadora técnica da asociación, Ángela Jiménez.

Listaxe de alumnas e alumnos gañadores do certame

CEIP Plurilingüe de Prácticas | Portada

• Sofía Téllez Fernández (11 anos)
• Debuxo: Unha cidade segura

CEIP Sal Lence | Detrás da portada

• Leilía Briga García González (8 anos): Carta

CEIP Plurilingüe José Cornide Saavedra | Xaneiro

• Gala Barrientos Lago (8 anos)
• Debuxo: Vamos ao colexio en bici

Colexio Fogar de Santa Margarida | Febreiro

• Sienna López Rodríguez (10 anos): Carta

CEIP Plurilingüe Concepción Arenal | Marzo

• Sofía Ferreiro Bamio (9 anos)
• Debuxo: Sen barreiras.

CEIP Sagrada Familia | Abril

• Nora Urrutia Cambón (10 anos): Carta

CEIP Plurilingüe San Pedro de Visma | Maio

• Sara Blanco Facal (11 anos)
• Debuxo: E ti, de que lado estás?

CEIP Plurilingüe María Barbeito e Cerviño | Xuño

• Helena Varela Blanco (11 anos): Carta

CEIP Plurilingüe Manuel Murguía | Xullo

• Leire Liñares García (9 anos)
• Debuxo: Hay que intentar moverse un poco

CEIP Plurilingüe Anxo da Garda | Agosto

• Javier Allo Vega (8 anos): Carta

CEIP Plurilingüe de Prácticas | Setembro

• Sara Veloso Mosqueira (10 anos)
• Debuxo: Es responsabilidad de todos, crear un camino seguro

Colegio Santo Domingo-FESD | Outubro

• Clara Morgade Rodríguez (10 anos)
• Debuxo: Dejemos las prisas en casa

Colegio Esclavas del Sagrado Corazón de Jesús | Novembro

• Sofía Soto Orgueira (8 anos)
• Debuxo: Cruzar con seguridad

Colegio Liceo La Paz | Decembro

• Lola Corgo del Río (9 anos): Carta

CEIP Plurilingüe María Barbeito e Cerviño (Base 1)

• Kamila Andrea Acevedo Ávila (11 anos): Carta.

CEIP Juan Fernández Latorre (Base 2)

• Valentina Rioboo Chas (8 años)
• Debuxo: Cuida tu vida