Coa publicación, o martes 4 de novembro, no Boletín Oficial da Provincia (BOP) da Coruña, do extracto da convocatoria do programa "Bolsas norteamérica 2026-27", ábrese, desde o 5 ata o 18 de novembro (ambos os días incluídos), o prazo de solicitude das bolsas.

As Bolsas norteamérica 2026-27 ofertan 30 prazas para que as alumnas e alumnos dos centros educativos coruñeses que cursan 4º de ESO este ano poidan darlle continuidade á súa formación en Norteamérica durante o curso 2026-27, no seu primeiro ano de Bacharelato.

O primeiro paso para presentar a solicitude será cubrir unha ficha específica de inscrición a través da web de Educación, que deberá presentarse posteriormente, acompañada por toda a documentación requirida, a través dos rexistros oficiais do Concello.

Máis información na páxina do programa: Bolsas Norteamérica 2026-27