Concello da Coruña

Concello da Coruña

Publicada a oferta de prazas vacantes da Rede de Escolas Infantís Municipais para a convocatoria extraordinaria de setembro

Cando:

17 de setembro de 2025

Ofértanse un total de 91 prazas. O prazo de solicitude permanecerá aberto do 18 de setembro ao 1 de outubro, ambos os días incluídos.

O Concello da Coruña publicou hoxe, mércores 17 de setembro, a relación de prazas vacantes que se ofertan para a convocatoria extraordinaria de setembro da Rede de Escolas Infantís Municipais (REIM), de admisión para o curso 2025-2026.

O prazo de solicitude abrirase mañá, xoves 18 de setembro, e permanecerá aberto ata o próximo 1 de outubro.

Esta convocatoria extraordinaria permitirá solicitar as prazas vacantes dispoñibles en sete das oito escolas que forman parte da Rede (a EIM A Caracola non dispón de prazas vacantes).

En total, ofértanse 91 prazas distribuídas tal e como se indica na seguinte táboa:

Escola 0-1 anos (2025) 1-2 anos (2024) 2-3 anos (2023) Total de prazas vacantes
EIM A Caracola 0 0 0 0
EIM Agra do Orzán 0 2 5 7
EIM Arela 0 0 12 12
EIM Carricanta 0 0 7 7
EIM Os Rosales 3 0 16 19
EIM Luis Seoane 0 0 2 2
EIM Monte Alto 0 0 5 5
EIM Os Cativos 11 6 22 39
Total 14 8 69 91

Unha vez finalizado o prazo de solicitude publicaranse as listas de solicitudes completas, incompletas e excluídas o día 31 de outubro.

As persoas interesadas en solicitar praza nas EIM poderán facelo a través do formulario habilitado para ese efecto: https://edu.coruna.gal/infantil/solicitude/solicitude_publica_reim/

Máis información sobre o proceso de admisión: Proceso de admisión

Eventos relacionados

Proxectos educativos

Que che parece esta sección?

-101-101-101

Síguenos en

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión