Finalizado o prazo de solicitude de prazas vacantes na Rede de Escolas Infantís Municipais (REIM, en diante), publícanse as listaxes provisionais de solicitudes admitidas, coa proposta das puntuacións obtidas conforme ao baremo que figura nas bases, así como de solicitudes excluídas do proceso, indicando a causa de exclusión.

A partir desta publicación, ábrese un prazo de emendas da documentación e alegacións desde o xoves 13 de xullo, e que permanecerá aberto ata o mércores 19 do mesmo mes de xullo. A falta de presentación dalgún dos documentos obrigatorios dentro do prazo de presentación e emenda suporá a exclusión do proceso.

Listaxes definitivas a partir do 26 de xullo

A publicación das listaxes definitivas será o mércores 26 de xullo, paso previo á apertura do prazo de matrícula, que estará habilitado entre o xoves 27 e o venres 28 de xullo.