A Escola Infantil Municpal Carricanta celebra, como cada ano, durante parte do mes de xaneiro e febreiro, "As semanas de Paz", onde toda a escola se afana nunha experiencia creativa e lúdica, chea de maxia, sorpresas e cor.

Nesta proposta, baseada no proxecto de paz "Con moitas mans faremos un mundo de cor", a imaxinación e a creatividade veñen da man duns personaxes moi especiais. Eles son os encargados de lles facer vivir aos nenos e ás nenas unha infinidade de aventuras e facer deste tempo un momento inesquecible.

Participación das familias

Para que esta experiencia adquira todo o seu significado, a escola necesita a participación e colaboración das familias. Para iso lanza unha serie de propostas que se poden consultar na noticia correspondente: A EIM Carricanta prepárase para celebrar "As semanas de Paz"

Ademais, durante o mes de febreiro realizaranse os "Encontros de Paz con familias". Concretamente, as datas serán as seguintes:

• Día 6 de febreiro: das 17.15 ás 18.15 aulas 3, 4 e 5
• Día 13 de febreiro: das 17.15 ás 18.15 aulas 6, 7 e 8

Co fin de poder organizar ben os encontros, as persoas interesadas deben apuntarse na secretaría da escola ou a través do correo electrónico ata o día 28 de xaneiro. As sesións desenvolveranse na sala de usos múltiples (entrada polo portalón de abaixo) e soamente poderá acudir unha persoa adulta por neno ou nena.