O edificio

1912 Leoncio Bescansa Casares

Nesta obra apréciase a influencia de Gaudí, mesturando os estilos modernista e neogótico. A cúpula gótica está adornada con pináculos, motivos xeométricos e vexetais. Balcóns de celosía de cemento e peche exterior con enreixado modernista.

O instituto

Titularidade: Consellería de Educación e Ordenación Universitaria.

Competencias do Concello nos colexios públicos:

• Vixilancia (conserxe).
• Climatización (calefacción).
• Mantemento, conservación do edificio e limpeza.

Competencias da Xunta (Consellería de Educación e Ordenación Universitaria):

• Profesorado.
• Infraestruturas e obras

Niveis Educativos:

• Segundo ciclo de educación infantil (3-6 anos).
• Educación primaria (6-12 anos).

Centro integrado na Rede de Centros Plurilingües de Galicia.

Aulas de informática:

• Aula de Informática da Xunta.

Actividades extraescolares:

• Servizo de comedor:

• Descrición: servizo de comida e monitor (comida de catering tipo caseiro, con posibilidade de dietas especiais por prescrición médica) con sesións de hixiene persoal e actividades lúdicas despois da comida.

• Destinatarios: alumnado de segundo ciclo de educación infantil e de educación primaria.

• Horario: luns a venres de 14:00 h. a 16:00 h.

• Inscrición: en APA do centro. No mes de xuño, para comedores que comezan en setembro. Antes do 22 de cada mes, para empezar ao mes seguinte.

• Titularidade: Programa xestionado pola Federación Provincial de APAs de Centros públicos da Coruña.

• Luditarde:

• Descrición: actividades lúdicas relacionadas cun centro de interese urbano, ligado a temas relacionados con educación para a saúde, educación viaria, educación para a paz, educación medio ambiental, etc., a partir dos cales se desenvolven os distintos contidos: dinamización teatral, animación á cultura, xadrez, producións plásticas, música, actividades motrices, actividades deportivas e informática.

• Destinatarios: alumnos de segundo ciclo de educación infantil e educación primaria.

• Horario: luns a venres de 16:00 h. a 18:00 h. de 15 de setembro a 15 de xuño.

• Inscrición: en APA do centro. A finais do curso anterior e na primeira quincena de setembro. Antes do 22 de cada mes, para comezar ao mes seguinte.

• Titularidade: Programa xestionado pola Federación Provincial de APAS de Centros Públicos da Coruña a través dun convenio co Servizo Municipal de Educación.