Durante este período debe inscribirse o alumnado que se incorpora por primeira vez no sistema educativo e aqueles alumnos e alumnas de Educación Infantil, Primaria, ESO e Bacharelato que desexan cambiar de centro escolar.

O prazo de presentación de solicitudes de reserva vai do 15 de xaneiro ao 4 de febreiro. O prazo de presentación de solicitudes de admisión vai do 1 ao 20 de marzo.

Unha vez pechado o prazo de solicitudes, as listaxes provisionais de admitidos e excluídos publicaranse o día 25 de abril, os definitivas o 15 de maio e os prazos de formalización de matrícula serán do 20 ao 30 de xuño, para os alumnos de Infantil e Primaria, e do 23 de xuño ao 7 de xullo, para os de ESO e Bacharelato.

Ademais dos procedementos e dos prazos sinalados, desde o curso 25/26 incorpóranse tamén as medidas do acordo de mellora do ensino blindadas a través da Lei de medidas fiscais e administrativas da Xunta de Galicia para 2025, entre as que se inclúe a redución progresiva do rateo máximo de 20 alumnos por aula que comezou a aplicarse para 4º de Educación Infantil e que se irá aplicando de forma progresiva

Podes consultar máis información sobre o proceso nos documentos relacionados.