O vindeiro xoves 24 de abril, ás 18.30 horas, a Sede Afundación (rúa Cantón Grande, 8) acolle o Festival Solidario Fitas do Vento, unha gala solidaria (a entrada é libre) que se enmarca no proxecto de Cidadanía Global "Fitas do Vento", ponte entre escolas galegas e africanas.

Entre os centros participantes neste encontro de conexión entre educación, cultura e solidariedade, atópanse as Escolas Infantís Monte Alto e Arela, así como outros centros escolares do Concello da Coruña.

Durante o acto, compartiranse experiencias, voces, músicas e soños que cruzan océanos e continentes. En definitiva, trátase dun compromiso educativo por transformar o mundo, nunha cidadanía global entre escolas galegas e africanas.