Quen foi en realidade María Pita? Unha muller defensora dos seus dereitos ou unha muller na procura da liberdade da súa cidade? Ou talvez é María Pita unha lenda da nosa cidade?

O nome de María Pita escríbese con letras de ouro na historia. A praza máis importante da cidade, unha estatua, unha Casa Museo e o recoñecemento da maior parte da poboación coruñesa, pero... que foi realmente? Un percorrido pola Cidade Vella trasladaranos a coñecer esta muller.

Metodoloxía

A través dun pequeno caderno as/os escolares realizan actividades coa figura de María Pita e a cidade encamiñadas a coñecer o noso patrimonio histórico.

Competencia: cultural - artística

• Coñecer, valorar e gozar do contorno natural, social e cultural, e as interaccións entre eles, así como as posibilidades de defensa, mellora e conservación.
• Coñecer, comprender, valorar e respectar as diferentes culturas e os seus patrimonios.

Desenvolvemento

• Parada 1: Casa Museo María Pita, un museo para a historia (visita ao interior)
• Parada 2: praza de Cortadoría: a sociedade do século XVI. Quen vivía na cidade?
• Parada 3: Xardín de San Carlos: as defensas
• Parada 4: Porta de Aires: onde María Pita se converteu nunha heroína
• Parada 5: estatua de María Pita