Durante o reinado de Felipe II, a cidade pasou a converterse en "forza e garda do reino de Galicia", a situación estratéxica do seu porto debía ser resgardada de posibles inimigos.

Por iso, é a partir de finais do século XVI cando se acometen importantes reformas na cidade cuxos vestixios se poden observar neste itinerario.

Metodoloxía

A través de distintas actividades formuladas nun caderno, as persoas participantes observarán e descubrirán diferentes símbolos e os significados da época histórica na que se desenvolve o percorrido e que se conservan neste espazo da cidade.

Competencia: cultural - artística

• Coñecer, valorar e gozar do contorno natural, social e cultural, e as interaccións entre eles, así como as posibilidades de defensa, mellora e conservación.
• Coñecer, comprender, valorar e respectar as diferentes culturas e os seus patrimonios.

Desenvolvemento

• Parada 1: Porta do Parrote, o símbolo do Vélaro de ouro
• Parada 2: Porta do Cravo
• Parada 3: O Baluarte Historia de San Carlos, de baluarte a xardín
• Parada 4: Porta de San Miguel, o embarcadoiro da cidade
• Parada 5: O castelo de Santo Antón, de lazareto a museo (visita ao patio)