A partir do século XIX o poder da cidade trasládase ao populoso e rico barrio da Pescaría onde os burgueses e comerciantes construían, non só as mellores vivendas, senón tamén os lugares de entretemento adecuados para a sociedade.

O antigo Camiño Real pasa a converterse, non só en lugar de paseo, senón en lugar de residencia e comercio de importantes coruñeses.

Metodoloxía

A través da observación as/os participantes deberán recoñecer diferentes estilos dos edificios da rúa Real, sempre a través da observación directa e a escoita activa descubrirán os diferentes elementos, tanto do exterior como dos edificios interiores, como pode ser o teatro Rosalía Castro.

Competencia: cultural - artística

• Coñecer, valorar e gozar do contorno natural, social e cultural, e as interaccións entre eles, así como as posibilidades de defensa, mellora e conservación
• Coñecer, comprender, valorar e respectar as diferentes culturas e os seus patrimonios

Desenvolvemento

• Parada 1: rúa Real, as casas de comerciantes e burgueses
• Parada 2: Teatro Rosalía Castro (visita ao interior), Teatro da Beneficiencia
• Parada 3: rúa Rego de Auga
• Parada 4: Palacio Municipal (visita ao interior). Escaleira de honra. Salón de plenos. Despacho de Alcaldía.