Desde o momento no que o rei Alfonso IX lle concede á cidade o foro de Benavente xorde a obriga de realizar un concello varios días á semana. Non sempre os representantes se reunían no mesmo lugar.

As necesidades da poboación, as rivalidades cos membros da Real Audiencia ou as reviravoltas locais obrigaron a cambiar a localización do concello durante séculos ata a súa localización actual, a praza de María Pita.

Metodoloxía

Durante o desenvolvemento do percorrido realízanse diferentes paradas onde se situarán as antigas sedes do Consistorio. O uso de planos permitiranos situar as diferentes sedes, así como coñecer a evolución urbanística da cidade.

Competencia: cultural - artística

• Coñecer, valorar e gozar do contorno natural, social e cultural, e as interaccións entre eles, así como as posibilidades de defensa, mellora e conservación
• Coñecer, comprender, valorar e respectar as diferentes culturas e os seus patrimonios.

Desenvolvemento

• Parada 1: Igrexa de Santiago, o inicio do concello
• Parada 2: praza de Azcárraga, as primeiras Casas Consistoriais
• Parada 3: Casa Martelo, o traslado á Pescaría
• Parada 4: Igrexa de San Xurxo
• Parada 5: praza de María Pita, Palacio Municipal (visita ao interior). Escaleira de honra. Salón de plenos. Despacho de Alcaldía.