Os grupos de idade que abarcan estas dúas etapas educativas, secundaria e formación profesional, comprenden aqueles considerados polas estatísticas como "grupos de risco". Tendo en conta dos aspectos psicolóxicos e características desta idade (etapa de autoafirmación, inestabilidade emocional, exhibicionismo, pouca experiencia na condución de ciclomotores, gran capacidade para asumir riscos sobre todo condicionados por estímulos externos como o grupo de amigos...) nosa intervención vai dirixida a conciencialos na evitación destas condutas de risco. Por iso, centrámonos principalmente na transmisión de valores de prudencia, protección e convivencia desde o respecto á normativa e aos demais.

O noso discurso nestas idades está na liña de relacionar a conduta cívica e a conduta viaria, tal e como o aseveran estudos psicolóxicos. É dicir, quen ten unha conduta cívica en todos os ámbitos da convivencia (no barrio, cos veciños, á hora de respectar as ordenanzas de limpeza, de horarios...), estes estudos refutan que dita conduta correlaciona coa conduta viaria, e por tanto, isto tradúcese nunha redución significativa da sinestralidade neste grupo de poboación. Deste xeito, nas nosas clases de educación viaria tratamos tamén temas como o botellón e a transcendencia que determinadas condutas como as desfeitas no mobiliario público e privado ten con respecto ao resto da poboación.