Moitos anos quedara esquecida a historia dunha muller, uns nenos e unha expedición marítima que, con orixe na Coruña, cruzou o océano para levar unha vacina. Cada vez é máis lembrada, e neste percorrido intentaremos mostrar os lugares que lembran a historia e os personaxes que interviñeron nela.

Metodoloxía

O percorrido levaranos por rúas que lembran a figura destes personaxes e os espazos da cidade que manteñen a súa pegada. En cada un dos espazos, as persoas participantes deberán poñer unha opinión do estado no que se atopa o espazo en relación coa historia que se conta.

Competencia: cultural-artística

• Coñecer, valorar e gozar o contorno natural, social e cultural, e as interaccións entre eles, así como as posibilidades de defensa, mellora e conservación
• Coñecer, comprender, valorar e respectar as diferentes culturas e os seus patrimonios.

Desenvolvemento

• Parada 1: Balcón de Balmis (Domus)
• Parada 2: rúa Hospital. A casa dos expósitos
• Parada 3: Dársena. O lugar desde onde partiu a expedición