A finais do século XIX un novo proxecto urbanístico daba pé ao Ensanche, un novo barrio da cidade chamado a ser o lugar onde se asentará a clase social da burguesía industrial e os recentemente chegados indianos.

Con ganas de lle mostrar ao resto da cidade a súa importancia decidiron edificar as súas casas seguindo as pautas da arquitectura de moda na época, o modernismo.

Arquitectos como Julio Galán, López Hernández ou Boán Callejas,entre outros, lograron que o Ensanche coruñés se convertese nun lugar de fachadas para ser admiradas.

Metodoloxía

Durante o percorrido mostraránselle ao alumnado diferentes proxectos orixinais dos edificios que se conservan para poder comparar o resultado do transcorrer dos anos.

Competencia: cultural- artística

• Coñecer, valorar e gozar o contorno natural, social e cultural, e as interaccións entre eles, así como as posibilidades de defensa, mellora e conservación
• Coñecer, comprender, valorar e respectar, as diferentes culturas e os seus patrimonios.

Desenvolvemento

• Parada 1: A praza de Pontevedra, o inicio do Ensanche, Casa Escariz, Casa Salorio
• Parada 2: praza de Lugo, 13 e praza de Lugo, 22. O modernismo en todo o seu esplendor
• Parada 3: Rúa Compostela, Casa Viturro
• Parada 4: Casa Cortés
• Parada 5: Pazo de Xustiza. O paso do modernismo ao eclecticismo