Hai máis de 120 anos da primeira exposición dun neno de apenas 13 anos que co paso dos anos se convertería no artista máis importante do século XX. Esa primeira exposición realizouse na nosa cidade e ese pequeno artista chamábase Pablo Ruiz Picasso.

Os cinco anos que pasou na nosa cidade son considerados o espertar dun xenio, e as súas obras enchen de comentarios as páxinas dos libros máis importantes da historia da arte.

A vida do pequeno Pablo na cidade foi coma a doutros moitos nenos da época, da casa para o colexio e do colexio para a casa, pero nos seus tempos libres, Pablo aproveitaba para observar e debuxar o que a nosa cidade lle ofrecía.

Metodoloxía

A través dun pequeno caderno, as/os escolares realizan actividades relacionadas coa figura do pintor. Actividades encamiñadas a coñecer a vida deste xenio da pintura e as súas obras pictóricas da época da súa infancia.

Competencia: cultural - artística

• Coñecer, valorar e gozar o contorno natural, social e cultural, e as súas interaccións entre eles, así como as posibilidades de defensa, mellora e conservación.
• Coñecer, comprender, valorar e respectar as diferentes culturas e os seus patrimonios.

Desenvolvemento

• Parada 1: Casa Museo Picasso, o seu fogar na cidade (visita ao interior)
• Parada 2: praza de Pontevedra, o seu lugar de xogos. A pomba da paz, un símbolo mundial.
• Parada 3: Instituto Eusebio da Guarda, o seu lugar de estudo (visita ao interior). Salón de actos: un espazo decorado para ser visto.