A historia das cidades constrúena as persoas. Coñecer os personaxes da nosa cidade supón un recoñecemento ás persoas partícipes na súa construción, desde as lendas ata a súa orixe, sen esquecer os personaxes que viviron na cidade e que lle axudaron a formar parte da historia.

Metodoloxía

A través dun pequeno caderno as/os escolares realizan distintas actividades relacionadas co itinerario e cos personaxes. As actividades intentan lembrar o máis característico dos personaxes a través de fontes históricas.

Competencia: cultural - artística

• Coñecer, valorar e gozar do contorno natural, social e cultural, e as interaccións entre eles, así como as posibilidades de defensa, mellora e conservación
• Coñecer, comprender, valorar e respectar as diferentes culturas e os seus patrimonios.

Desenvolvemento

• Parada 1: Inés de Ben, podería ser unha heroína...
• Parada 2: José Cornide e a Torre de Hércules
• Parada 3: Sir John Moore e Rosalía de Castro, que teñen en común?
• Parada 4: Alfonso IX e as súas Damas. As orixes de Crunia.
• Parada 5: Hércules e as súas lendas