1. A arte de escoitar (no palco da música): aprender a diferenciar os sons que provocan os obxectos, a deducir os emisores de son e reproducilos imitando o seu aspecto tímbrico.
2. A arte de observar (arredor de estatua de Curros Enríquez): recoñecer os diferentes obxectos e personaxes que configuran a estatua de Curros Enríquez.
3. A arte de construír (fronte ao Kiosko Alfonso): organizar e crear a composición dos tres edificios que existen actualmente neste espazo da cidade.
4. A arte de comparar (arredor da estatua de Daniel Carballo): localizar e recoñecer as parellas de imaxes dos diferentes elementos que se atopan nos xardíns e que posúen os/as participantes.

Unha vez realizadas as catro actividades propostas realizarase unha pequena posta en común, onde se tratará de reforzar os contidos máis interesantes da ruta: construción do "Recheo", primitiva zona de recreo, construcións características...