Duración das visitas

Como norma xeral, a duración estimada das visitas non excederá as 2 horas.

Bibliotecas onde se oferta

As Bibliotecas Municipais que acollerán a actividade son:

• Biblioteca Municipal Ágora
• Biblioteca Municipal Castrillón
• Biblioteca Municipal Durán Loriga

Condicións do programa

• Unha vez asignada a visita, o profesorado comprométese a manter coa biblioteca os contactos necesarios para a súa preparación. Estes contactos serán entre a/o bibliotecaria/o municipal da biblioteca asignada e a persoa que vaia acompañar o alumnado á visita. Se despois de asignada a visita se producise algún cambio con respecto á persoa acompañante, o centro deberallo comunicar á biblioteca e a nova persoa acompañante deberá contactar co seu bibliotecario ou bibliotecaria de referencia para recibir as explicacións necesarias que garantan o mellor aproveitamento da actividade.
• Coa finalidade de poder avaliar e mellorar o programa, o profesorado deberá cubrir unha enquisa ao finalizar a visita.
• As bibliotecas realizarán un número máximo de visitas por curso escolar. No caso de que o número de solicitudes sexa superior ao número de visitas ofertadas, a Biblioteca valorará que solicitudes serán finalmente aceptadas atendendo aos seguintes criterios:
  • Dar cobertura aos seus centros escolares de referencia de maneira prioritaria.
  • Buscar un equilibrio entre o número de visitas solicitadas e o número de centros escolares que realizan a demanda.
  • Satisfacer a demanda das solicitudes dos diferentes niveis (EI e EP) e dos dous programas de visitas dispoñibles dunha maneira equilibrada.
• As visitas asignaranse á Biblioteca de referencia.
• Unha vez presentada a solicitude, calquera aclaración ou información solicitaráselle á coordinadora do Programa de Visitas no Servizo Municipal de Bibliotecas:
  • Elena Pernas Lázaro
  • e.pernas@coruna.es
  • Tlf.: 981 184 384
• Unha vez asignada a visita a unha biblioteca determinada, os contactos serán coa persoa responsable do servizo ás escolas desa biblioteca.
• O transporte, se fose necesario, correrá por conta do centro educativo.

Bibliotecas de referencia para cada centro escolar