A presenza de animais acompañando as nosas vidas nas cidades é cada vez máis frecuente. Por mor diso, nos últimos anos apareceron diversas normativas que tentan xestionar a súa tenencia, tentando adiantarse ou reconducir problemas que enturban a relación entre seres humanos e animais. Fomentar un coidado responsable e ético; evitar a introdución de especies exóticas ou o comercio de especies vulnerables son tópicos de interese neste ámbito. Xunto a esta veciñanza de carácter doméstico hai outra máis natural que é a miúdo branco de críticas polas molestias que xeran: as especies silvestres que comparten connosco a cidade. Ratas, estorniños, pombas ou gaivotas son as máis coñecidas.

Estrutura

Cada módulo responde as necesidades do seu nivel educativo:

Módulo 1: A tenencia responsable de animais de compañía (ESO, BACH e FP)

• Charla interactiva (1 hora): A tenencia responsable de animais de compañía.
• Taller (1 hora): Plan de acción local: campaña de convivencia.
• Saídas, conclusións e reflexión (2 horas): Visita ao CMAC (Centro municipal de animais de compañía).