Entre placas e pegadas

A Sección de Axente Titor da Policía Local pon en marcha unha actividade educativa dirixida ao alumnado de 6.º de Educación Primaria, consistente nunha visita ás instalacións policiais. A través desta experiencia, os menores poderán coñecer de primeira man o traballo diario da Policia Local, descubrir os diferentes medios materiais utilizados no servizo e asistir a unha demostración práctica da unidade canina.

A actividade pretende favorecer un achegamento positivo entre a Policía Local e os menores, promovendo relacións de confianza, respecto e colaboración, así como reforzar o labor preventivo desenvolvido pola Unidade de Axente Titor no ámbito educativo.

Obxectivos Xerais

• Achegarlle a figura da Policía Local ao alumnado desde unha perspectiva próxima e educativa.
• Dar a coñecer as funcións e competencias da Policía Local dentro da comunidade.
• Promover valores de respecto, convivencia, empatía e responsabilidade.
• Mostrar de forma práctica o traballo dos guías caninos e outros recursos policiais.

Destinatarios e Duración

Alumnado de 6.º de Educación Primaria.

Duración estimada da actividade: 60 minutos

Metodoloxía de Traballo

• Recepción e benvida nas instalacións da Policía Local.
• Visita guiada polas dependencias policiais.
• Presentación de vehículos, equipamento, medios policiais e funcións de cada unidade.
• Demostración práctica da unidade canina.
• Rolda final de preguntas e participación do alumnado.

Talleres preventivos

A Unidade de Axente Titor da Policía Local desenvolve talleres orientados á protección de menores, a mellora da convivencia escolar e a prevención de consumo de substancias no ámbito educativo.

Obxectivos Xerais

• Promover condutas responsables e seguras.
• Previr o consumo de drogas e outras adiccións.
• Favorecer a convivencia e previr o acoso escolar.
• Achegar a figura do Axente Titor ao alumnado.

Destinatarios e Duración

Alumnado de 1º, 2º, 3º e 4º de Educación Secundaria Obrigatoria (ESO).

Duración estimada de cada sesión: 50 minutos.

Metodoloxía de Trabaio

• Exposición dinámica de contidos.
• Debate guiado e participación activa.
• Conclusións finais dos talleres.
• Exhibición can policial K9.

Principios de Actuación

• Prevención
• Proximidade
• Confianza
• Coordinación coa comunidade educativa