PRAZAS

1.800 prazas. Resérvanse ata 600 prazas (75 prazas por sede) para os escolares matriculados no centro sede no actual curso 2022/2023.

PREZO / CUSTO

Entre 20 e 70 euros (aprox.).

• Campacole: 20 € *
• Madrugadores sen almorzo: 10 €
• Madrugadores con almorzo: 18 €
• Comedor: 28 €
• Seguro de accidentes: 4 € **

* Estarán exentos/as da cota de campacole (de 10.00 a 14.00 horas) os/as escolares que cumpran os requisitos de participación e fosen beneficiarios/as de bolsa comedor neste curso 2022/2023.

** Estarán exentos/as do pagamento do seguro de accidentes aqueles/as solicitantes matriculados en calquera programa ofertado pola Federación de ANPA no curso 2022/2023 ("Cóxegas", "Deporte no centro", "Arte e cultura no centro" e "English Lab")

A cota correspondente aboarase mediante transferencia á conta da Federación Provincial de ANPA: ES37 2100 6359 5802 0006 1816.

O comprobante da transferencia, indicando no "concepto" o nome do participante, a quenda e os servizos admitidos, enviarase por correo electrónico ao enderezo: campacoles@fedapascoruna.org.

No caso de non realizar o pagamento nos prazos establecidos a praza quedará vacante, sendo chamados por orde as persoas solicitantes das listaxes de agarda para cubrila.

HORARIO

• De mañá, de 10.00 a 14.00 h.
• Madrugadores (con ou sen almorzo): a partir das 08.30 h
• Comedor: desde as 14.00 h ata as 15.30 h (podendo saír desde as 15.00 h.)

Condicións do programa

Poderanse solicitar ata 5 quendas por orde de preferencia, adxudicándose un máximo de 2 quendas con carácter ordinario. En caso de vacantes, poderanse adxudicar as quendas restantes solicitadas se houbese prazas vacantes e sempre por orde de preferencia.

A adxudicación realizarase en función das dúas primeiras letras do primeiro apelido que resultasen elixidas no sorteo. A partir de aí ordenaranse os/as solicitantes alfabeticamente: apelido 1- apelido 2- nome.

Quendas:

• 1º Quenda: do 26 de xuño ao 30 de xuño
• 2º Quenda: do 3 ao 7 de xullo
• 3º Quenda: do 10 ao 14 de xullo
• 4ª Quenda: do 17 ao 21 de xullo
• 5º Quenda: do 24 ao 28 de xullo

Centros onde se oferta:

• CEIP Alborada
• CEIP Juan Fernández Latorre
• CEIP Manuel Murguía
• CEIP María Barbeito
• CEIP San Francisco Javier
• CEIP San Pedro de Visma
• CEIP Torre de Hércules
• CEIP Wenceslao Fernández Flórez

MÁIS INFORMACIÓN

Campamentos de Verán 2023